| |
| கண்டனூரில் மூதாட்டியிடம் நகைப்பெட்டி கொள்ளை Nov 26, 09 |
| |
சிவகங்கை மாவட்டம், காரைக்குடி அருகே கண்டனூரில் வீட்டில் தனியாக இருந்த மூதாட்டியைக் கட்டிப்போட்டுவிட்டு நகைப்பெட்டியை கொள்ளையடித்துச்சென்றவர்களை போலீஸôர் தேடிவருகின்றனர்.
கண்டனூர் பெருமாள்கோயில் தெருவைச்சேர்ந்தவர் அடக்கம்மை ஆச்சி (85). இவர் மட்டும் தனியாக வசித்து வருகிறார். இவரது மகன்கள் கோவையில் வசித்துவருகின்றனர்.
அடக்கம்மை ஆச்சிக்கு சமையல் செய்துகொடுத்துவிட்டு இரவு துணையாக காந்தி என்ற பெண் வேலை செய்துவருகிறார். காந்தி வழக்கம்போல் செவ்வாய்க்கிழமை காலையில் உணவு சமைத்துவிட்டு அவரது வீட்டுக்குத்திரும்பி விட்டார்.
மீண்டும் இரவு அடக்கம்மை ஆச்சி வீட்டுக்கு தூங்குவதற்காக வந்தபோது மூதாட்டியை யாரோ வாயில் துணியால் கட்டியும், அவரை கை,கால்களை கட்டிப் போட்டிருந்ததைப்பார்த்து காந்தி அதிர்ச்சியடைந்தார். பின்னர் மூதாட்டியின் தம்பிக்கு தகவல் தெரிவிக்கப்பட்டது. மூதாட்டியைக்கட்டிப்போட்டவர்கள் பீரோவில் வைத்திருந்த பெட்டியை திருடிச்சென்றிருப்பதாக அடக்கம்மை ஆச்சி தெரிவித்துள்ளார். பெட்டியில் உள்ள நகைகள் விவரம் கோவையிலிருந்து மகன் வந்த பிறகே தெரியவரும் என்று கூறப்படுகிறது.
இதுகுறித்து புகாரின் பேரில் வழக்குப்பதிவு செய்து போலீஸôர் விசாரணை நடத்தி வருகின்றனர்.
source : Dinamani 27/11/09 |
| |
| |
|
|
|
