| |
| தீர்த்தாண்டதானத்தில் கார்த்திகை மாத விழா Dec 12, 09 |
| |
தேவகோட்டை அருகிலுள்ள தீர்த்தாண்டதானம் கடற்கரையில் சர்வதீர்த்தேஸ்வரர் கோயிலில் கார்த்த்திகை மாத விழா வெள்ளிக்கிழமை நடைபெற்றது.
ராமபிரான் சிவபூசை செய்த கோயில் என்ற பெருமையைப் பெற்ற இங்கு ராமருக்காக வருண பகவான் தீர்த்தம் உண்டாக்கிய வருண தீர்த்தம், மந்தரை தீர்த்தம் ஆகியவை உள்ளன. இங்கு அருள்பாலிக்கும் பெரியநாயகி சமேத சர்வதீர்த்தேஸ்வரருக்கு விசேஷ அபிஷேக வேள்வி நடைபெற்றது.
திருவாடானை ஆதிரெத்தினேஸ்வரர் கோயில் குருக்களுடன் இணைந்து ராமநாத குருக்கள் சிறப்பு வேள்வி நடத்தினார். நாராயண ஓதுவார் தேவாரம் பாடினார். ராமநாதபுரம் சமஸ்தான திவான் மகேந்திரன் தலைமையில் ஆன்மீக அரங்கு நடைபெற்றது. கயிலை மணிநீலா இறைவணக்கம் பாடினார். தெய்வீகக் குழுத் தலைவர் பாண்டியன் வரவேற்றார். பொற்கிழி கவிஞர் அரு.சோமசுந்தரன் பேசினார். காளிமுத்து நன்றி கூறினார்.
Dinamani 13/12/09 |
| |
| |
|
|
|
