| |
| கணியன் பூங்குன்றனாருக்கு மணிமண்டபம்: மகிபாலன்பட்டிக்கு அரசு குழு இன்று வருகை Dec 26, 09 |
| |
திருப்பத்தூர் அருகே கணியன் பூங்குன்றனாருக்கு மணிமண்டபம் கட்டப்பட உள்ள இடத்தை தமிழக அரசின் உயர்மட்டக் குழுவினர் இன்று பார்வையிடுகின்றனர்.
சிவகங்கை மாவட்டம் திருப்பத்தூர் வட்டம் மகிபாலன்பட்டியில் பிறந்த சங்க காலப் புலவர் கணியன் பூங்குன்றனாருககு நினைவுமண்டபம் அமைக்க தமிழக அரசு திட்டமிட்டுள்ளது. இதற்கான இடத்தை தேர்வு செய்வதற்காக செய்தித்துறை அமைச்சர் பரிதி இளம் வழுதி தலைமையிலான குழுவினர் சனிக்கிழமை காலை 10 மணியளவில் மகிபாலன்பட்டிக்கு வருகின்றனர். இடத்தை பார்வையிட்ட பிறகு குன்றக்குடி பொன்னம்பல அடிகளார் மடத்தில் இக்குழுவினர் ஆலோசனை நடத்த உள்ளனர்.
குழுவில் கவிக்கோ அப்துல் ரகுமான், சிலம்பொலி செல்லப்பன், தமிழண்ணல் ராம பெரியகருப்பன், குன்றக்குடி பொன்னம்பல அடிகளார்,பாவலர் மணி ஆ.பழனி, தமிழ் வளர்ச்சித்துறை இய்ககுநர் எழில் அரசு, புலவர் நமச்சிவாயம், செய்தித்துறை செயலர் முத்துசாமி, இயக்குநர் காமராஜ் ஆகியோர் இடம் பெற்றுள்ளனர். இத்தகவல் மாவட்ட ஆட்சியர் அலுவலக செய்திக்குறிப்பில் தெரிவிக்கப்பட்டுள்ளது.
source : Dinamani 26/12/09 |
| |
| |
|
|
|
