| |
| தேவகோட்டை சேவுகன் அண்ணாமலை கல்லூரி நிறுவனரின் 86-ம் ஆண்டு விழா Dec 29, 09 |
| |
சிவகங்கை மாவட்டம் தேவகோட்டை சேவுகன் அண்ணாமலை கல்லூரி நிறுவனரின் 86-வது ஆண்டு விழா ஞாயிற்றுக்கிழமை நடைபெற்றது.
ஆட்சிமன்றக்குழு துணைத்தலைவர் சேவுகன்செட்டியார் வரவேற்றார். முதல்வர் அருணைச்சலம் அறிமுக உரையாற்றினார். பல்கலைக்கழக மானியக்குழு உதவியுடன் கட்டப்பட்ட நிர்வாக அலுவலகத்தை முன்னாள் மத்திய அமைச்சர் ரகுபதி திறந்து வைத்து வாழ்த்துரை வழங்கினார்.
நிறுவனருக்கு பேராசிரியர்கள் சார்பில் அருள்சாமியும், அலுவலர்கள் சார்பில் ஏகோஜிராவும், உறவினர்கள் சார்பில் சேவுகனும் நன்றி கூறிப் பேசினர்.
பூண்டி புஷ்பம் கல்லூரி செயலர் மற்றும் தாளாளர் துளசி ஐயா வாண்டையார் நிறுவனர் நாள் உரையாற்றி இலக்கியப் போட்டிகளில் வெற்றிபெற்றவர்களுக்கு பரிசுகளை வழங்கினார்.
ஆட்சிக்குழுத் தலைவர் லெட்சுமணன் செட்டியார் ஏற்புரையாற்றினார். ஆட்சிக்குழு உறுப்பினர் அண்ணாமலை நன்றி கூறினார். இதில் இலக்கிய போட்டிகளில் ஒட்டுமொத்த சாம்பியன் பட்டத்தைப் பெற்று ஆனந்தா கல்லூரி மாணவர்கள் சுழற்கோப்பையை பெற்றனர்.
source : Dinamani 29/12/09 |
| |
| |
|
|
|
