| |
| வேந்தன்பட்டியில் என்எஸ்எஸ் முகாம் தொடக்கம் Jan 1, 10 |
| |
பொன்னமராவதி அருகேயுள்ள வேந்தன்பட்டியில், மேலைச்சிவபுரி அரசு மேல்நிலைப் பள்ளி நாட்டு நலப்பணித் திட்டத்தின் சிறப்பு முகாம் தொடக்க விழா அண்மையில் நடைபெற்றது.
விழாவுக்குப் பள்ளித் தலைமையாசிரியர் ஆ. குணசேகரன் தலைமை வகித்தார். மேலைச்சிவபுரி ஊராட்சி துணைத் தலைவர் அ. அழகு, வேந்தன்பட்டி ஊராட்சி துணைத் தலைவர் சி. ராமநாதன் செட்டியார் ஆகியோர் முன்னிலை வகித்தனர்.
வேந்தன்பட்டி ஊராட்சித் தலைவர் எஸ். விஜயகுமார் முகாமை தொடக்கிவைத்துச் சிறப்புரையாற்றினார். முகாமில், வேலங்குடி அரசு மேல்நிலைப் பள்ளி தலைமை ஆசிரியர் கோ. கணபதி, ரோட்டரி சங்கத் துணை ஆளுநர் ஆர்யு. ராமன் ஆகியோர் வாழ்த்திப் பேசினார்.
நாட்டு நலப்பணித் திட்ட அலுவலர் ஆ. சக்திவேல் முகாம் குறித்து அறிமுக உரையாற்றினார். உதவித் திட்ட அலுவலர் லெ. வடிவேல், முதுநிலை ஆசிரியர் ஜெ. மில்காசிங், பேராசிரியர் இராம. மோகன், மாணவத் தொண்டர்கள் உள்ளிட்டோர் நிகழ்ச்சியில் கலந்துகொண்டனர்.
முன்னதாக உதவித் தலைமை ஆசிரியர் ஜி. சண்முகசுந்தரம் வரவேற்றார். நிறைவாக, ஆசிரியர் கே. வெங்கட்ராமன் நன்றி கூறினார்
source : Dinamani 31/12/09 |
| |
| |
|
|
|
