| |
| குன்றக்குடி கோயில் கும்பாபிஷேகம் Mar 19, 14 |
| |
குன்றக்குடி சண்முகநாத பெருமான் கோயில், கும்பாபிஷேக விழா, நேற்று காலை நடந்தது. இக்கோயிலில் 1979 க்கு பிறகு 34 ஆண்டுகள் கழித்து, தற்போது மீண்டும் கும்பாபிஷேகம் நடத்தப்பட்டுள்ளது.
கும்பாபிஷேக விழா, மார்ச் 16 ல் காலை 7:00 மணிக்கு கணபதி ஹோமத்துடன் துவங்கியது. யாகசாலை பூஜை, நேற்று காலை வரை 6 காலங்களாக நடந்தது. சண்முக பெருமானுக்கு 33 யாக குண்டங்களும், பரிவார மூர்த்திகளுக்கு 12 யாக குண்டங்களும், உத்தம பட்ச யாக சாலையாக அமைக்கப்பட்டு, பிள்ளையார் பட்டி பிச்சை குருக்கள் தலைமையில் பூஜைகள் நடந்தன. நேற்று காலை 9:30 மணிக்கு, விமானம், மூலவர் சன்னதிக்கு திருக்குட நன்னீராட்டு விழா, சிவாச்சாரியார்கள் தலைமையில் நடந்தது.
விமானங்களுக்கு காலை 9:30 மணிக்கும், மூலவர் சன்னதிக்கு காலை 10:00 மணிக்கும் திருக்குட நன்னீராட்டு விழா நடக்கும், என அழைப்பிதழ் மற்றும் பிளக்ஸ் போர்டுகளில் குறிப்பிடப்பட்டிருந்தது. ஆனால், காலை 9:25 மணிக்கே, விமானம், மூலவர் சன்னதிக்கு திருக்குட நன்னீராட்டு முடிந்தது. அறிவித்த நேரத்தை விட, முன்கூட்டியே கும்பாபிஷேகம் நடத்தியதால், வெளியூரிலிருந்து விழாவை காண வந்த பக்தர்கள் ஏமாற்றத்துடன் திரும்பி சென்றனர்.* |
| |
| |
|
|
|
