| |
| அங்கீகாரமற்ற வீட்டு மனைகளை புதிய அரசாணைகளை பின்பற்றி பத்திரப் பதிவுகளை செய்யலாம் May 13, 17 |
| |
அங்கீகாரமற்ற வீட்டு மனைகளை வரன்முறைப்படுத்துவது தொடர்பாக தமிழக அரசு வெளியிட்டுள்ள புதிய அரசாணைகளைப் பின்பற்றி, நிபந்தனைகளுக்கு உட்பட்டு பத்திரப்பதிவு செய்யலாம் என அனுமதித்துள்ள உயர் நீதிமன்றம், இதன் மூலம் ஏற் கெனவே விதித்த தடையை தளர்த்தியுள்ளது.
அனைத்து தரப்பு வாதங்களை யும் கேட்ட நீதிபதிகள், ‘‘உயர் நீதிமன்ற தடையால் மாணவர் களின் உயர் கல்வி, பிள்ளை களின் திருமணம் போன்ற அத்தி யாவசிய செலவுகளுக்கு பொது மக்கள் பணமின்றி தவிப்பதாக முறையிடப்பட்டது. அதைக் கருத்தில் கொண்டு அங்கீகார மற்ற வீட்டு மனைகளை வரை யறை செய்வது தொடர்பாக அரசு வெளியிட்டுள்ள 2 அரசாணை களைப் பின்பற்றியும், பத்திரப் பதிவு சட்டம் பிரிவு 22 ஏ-வில் கொண்டு வரப்பட்டுள்ள சட்ட திருத்தங்களைப் பின்பற்றியும் பத்திரப்பதிவு செய்யலாம் என தடை தளர்த்தப்படுகிறது.
அத்துடன் ஏற்கெனவே பத்திரப் பதிவு செய்ய தடை விதிக்கப்பட்ட 9.9.2016-ம் தேதியில் இருந்து அந்த தடை உத்தரவு தளர்த்தப் பட்ட 28.03.17-ம் தேதி வரை தமிழகம் முழுவதும் 9 ஆயிரத் துக்கும் மேற்பட்ட பத்திரப் பதிவு கள் சட்ட விரோதமாக நடந்துள் ளன. அவை செல்லாது. உயர் நீதி மன்ற உத்தரவை மீறி மேற் கொள்ளப்பட்ட அந்த பத்திரப் பதிவுகள் குறித்து தமிழக அரசு முறையாக விசாரித்து நட வடிக்கை எடுக்க வேண்டும். அதுபோல ஏப்ரல் 21-ம் தேதியில் இருந்து மே 12-ம் தேதி வரை ஏதேனும் பத்திரப் பதிவுகள் நடந்து இருந்தால் அவையும் சட்ட விரோதமானது’’ எனக்கூறி வழக்கு விசாரணையை வரும் ஜூன் 14-ம் தேதிக்கு தள்ளி வைத்தனர். |
| |
| |
|
|
|
