| |
| சிங்கம்புணரி: சித்தர் முத்துவடுக சுவாமி கோயிலில் சித்ரா பௌர்ணமி Apr 29, 10 |
| |
சிங்கம்புணரி,ஏப்.28: சிவகங்கை மாவட்டம், சிங்கம்புணரி சித்தர் முத்துவடுக சுவாமி கோயிலில் சித்ரா பௌர்ணமி புதன்கிழமை நடைபெற்றது.
சிங்கம்புணரி வணிகர் நலச் சங்கம் சார்பில் 69-ம் ஆண்டு விழாவாக சித்ரா பௌர்ணமி விழா நடைபெற்றது. விழாவையொட்டி காலை சுவாமிக்கு சிறப்பு அபிஷேகங்கள் அலங்காரம் செய்யப்பட்டன.
அதனைத் தொடர்ந்து சீரணி அரங்கிலிருந்து ஆயிரக்கணக்கான பக்தர்கள் பால்குடம் எடுத்து வந்து சுவாமிக்கு பாலாபிஷேகம் செய்தனர். மாலையில் சுவாமிக்கு சந்தனக் காப்பு அலங்காரம் செய்யப்பட்டது.
பின்னர் பெண்கள் மாவிளக்கு எடுத்தனர். இரவு சுவாமி திருத்தேரில் எழுந்தருளி வீதி உலா வந்தார். பல்வேறு அமைப்புகள் சார்பாக கலை நிகழ்ச்சிகள் நடைபெற்றன. விழா ஏற்பாடுகளை சிங்கம்புணரி வணிகர் நலச் சங்கத்தினர் செய்திருந்தனர்.
Source : Dinamani |
| |
| |
|
|
|
