| |
| காரைக்குடியில் நாளை பொருள்காட்சி தொடக்கம். Apr 29, 10 |
| |
காரைக்குடி,ஏப்.28: சிவகங்கை மாவட்டம் காரைக்குடியில் தொழில்வணிகக் கழகம் சார்பில் 5-வது தொழில் மற்றும் வீட்டு உபயோகப் பொருள்காட்சி கம்பன் மணிமண்டபத்தில் வெள்ளிக்கிழமை (ஏப்.30) முதல் தெள்ôடங்கி ஏப்.9-ம் தேதி நிறைவடைகிறது.
சென்னை, மதுரை, கோவை, திருச்சி போன்ற நகரங்களிலிருந்து பர்னிச்சர்கள், புதிய வகை டி.வி, குளிர்சாதனப் பொருள்கள், மின்னணு சாதனங்கள், அழகு சாதனப் பொருள்கள், துணிவகைகள் என 70-க்கும்மேற்பட்ட அரங்குகள் இப்பொருள்காட்சியில் இடம் பெறுகின்றன.
நுழைவுக்கட்டணம் எதுவுமின்றி குழந்தைகளை மகிழ்விக்க எண்ணற்ற விளையாட்டுக்கள் இடம் பெறுகின்றன.
வித,விதமான உணவு வகைகள் கிடைக்கும் வகையில் ஏற்பாடு செய்யப்பட்டுள்ளன. வேலைநாள்களில் மாலை 4 மணி முதல் இரவு 9 மணிவரையிலும், விடுமுறை நாள்களில் காலை 11 மணி முதல் இரவு 9 மணிவரையிலும் நடைபெறும். வெள்ளிக்கிழமை நடைபெறும் துவக்க விழாவில் காரைக்குடி நகர்மன்றத்தலைவர் எஸ். முத்துத் துரை பொருட்காட்சியை திறந்துவைக்கிறார். நிறைவு விழாவில் காரைக்குடி சட்டப் பேரவை உறுப்பினர் என். சுந்தரம், ஐ.ஓ.பி. வங்கிப்பொதுமேலாளர் டி. தேனப்பன் ஆகி
யோர் கலந்துகொள்கின்றனர் என்று காரைக்குடி தொழில்வணிகக் கழகத் தலைவர் முத்து. பழனியப்பன், செயலர் சாமி. திராவிடமணி ஆகியோர் தெரிவித்தனர்.
Source: Dinamani |
| |
| |
|
|
|
