| |
| மூலங்குடி கோயில் குடமுழுக்கு Jun 21, 10 |
| |
பொன்னமராவதி : புதுக்கோட்டை மாவட்டம், பொன்னமராவதி அருகேயுள்ள மூலங்குடி அருள்மிகு பொய்சொல்லா மெய்யர், பொன்னன் சாமி திருக்கோயில் மற்றும் சிவகங்கை மாவட்டம், மானாமதுரை அருள்மிகு பஞ்சமுக ப்ரத்யங்கிரா தேவி திருக்கோயில் குடமுழுக்கு வியாழக்கிழமை (ஜூன் 24) நடைபெறுகிறது.
பொன்னமராவதியிலிருந்து 8 கி.மீ. தொலைவில் அமைந்துள்ளது இக்கோயில். பெரும் பொருட் செலவில் புதுப்பிக்கப்பட்டுள்ளது. இப்பகுதியைச் சேர்ந்த 25 ஊர்களைச் சேர்ந்த நகரத்தார்களின் குலதெய்வமான இக்கோயிலில் விநாயகர், பூரணை புஷ்கலை உடனாய பொய்சொல்லா மெய்யர், பத்ரகாளி அம்மன், மூலிகை மலையான், காக்கும் தெய்வமான பிரம்மர் கருப்பர் மற்றும் பொன்னையா சுவாமிக்கு ஜூன் 24-ம் தேதி காலை 9 மணிக்கு மேல் 10.30 மணிக்குள் குடமுழுக்கு நடைபெறுகிறது. இதற்கான யாகசாலை பூஜைகள் திங்கள்கிழமை தொடங்குகின்றன. சர்வசாதகம் கோவனூர் சு.சுவாமிநாத பண்டிதர் தலைமையில் இதற்கான ஏற்பாடுகள் நடைபெற்றுவருகின்றன.
திருப்பணி ஏற்பாடுகளை திருப்பணிக் குழுத் தலைவர் புதுவயல் வீர. அருணாசலம் தலைமையிலான குழுவினர் செய்துள்ளனர்.
Source:Dinamani |
| |
| |
|
|
|
