| |
| புதுக்கோட்டை அருகே கார்-லாரி மோதல்: 4 பேர் பரிதாபசாவு Jun 23, 10 |
| |
புதுக்கோட்டை அருகே கார்- லாரி நேருக்கு நேர் மோதியது. இதில் 4 பேர் உடல் நசுங்கி பரிதாபமாக இறந்தனர். இன்று அதிகாலை நடந்துள்ள இந்த விபத்து பற்றிய விவரம் வருமாறு-
சிவகங்கை மாவட்டம் தேவக்கோட்டையை சேர்ந்தவர் கருப்பையா(55).இவர் சென்னை சிந்தாதரி பேட்டையில் மளிகை கடை நடத்திவந்தார். இவரது மனைவி ராஜகுமாரி(50). இவர்கள் சொந்த ஊர் செல்ல முடிவு செய்தனர். நேற்று இரவுஒருகாரில் கருப்பையா, அவரது மனைவி ராஜகுமாரி ஆகியோர் புறப்பட்டு வந்தனர். அவர்களுடன் உறவினர் மாணிக்கம்(40) என்பவரும் வந்தார்.
காரை பாபு என்பவர்ஓட்டி வந்தார்.இன்றுஅதிகாலை 5 மணிஅளவில் புதுக்கோட்டை அருகே வந்த போது விபத்தில் சிக்கியது.
புதுக்கோட்டை அருகே ரங்கம்மாசத்திரம் என்ற இடத்தில் சென்ற போது புதுக்கோட்டையில் இருந்து திருச்சிநோக்கி பஞ்சு மூட்டைகள் ஏற்றி வந்த லாரியும், காரும் நேருக்கு நேர் பயங்கரமாக மோதியது.
இதில் கார் அப்பளம் போல் நொறுங்கியது. விபத்து ஏற்பட்டது. லாரி டிரைவர் தப்பிஓடிவிட்டார்.இந்த விபத்தில் கருப்பையா, அவரது மனைவி ராஜகுமாரி, உறவினர் மாணிக்கம், கார் டிரைவர் பாபு ஆகியோர் அதே இடத்தில் உடல் நசுங்கி பரிதாபமாக இறந்து விட்டனர்.
இந்த விபத்தால் அந்த பகுதியில் போக்கு வரத்து பாதிக்கப்பட்டது. உடனே திருக்கோகர்ணம் போலீசார் விரைந்து சென்று மீட்புபணியில் ஈடுபட்டனர்.
source : Maalai Malar |
| |
| |
|
|
|
